దావూద్ ఆచూకీ

భారత్ మోస్ట్ వాంటెడ్ జాబితాలోవున్న అండర్ వరల్డ్‌డాన్ దావూద్ ఇబ్రహీం ఆచూకీ ఎట్టకేలకు కనుగొన్నారు. పాకిస్థాన్ లోని కరాచీ నగర శివారు ప్రాంతమైన క్లిఫ్టన్ నుంచి ఆయన ఫోన్ లో మాట్లాడిన మాటలను వెస్ట్రన్ ఇంటెలిజెన్స్ ఏజెన్సీ రికార్డు చేసింది. దుబాయ్ లో ఉంటున్న ఓ వ్యక్తితో ఆస్తి ఒప్పందానికి సంబంధించి దావూద్ మాట్లాడినట్లు ఆ సంస్థ తెలిపింది.

 రెండు దశాబ్దాల క్రితం పాకిస్థాన్‌కు పారిపోయిన దావూద్ ఆచూకీని కనుగొనేందుకు భారత నిఘా వర్గాలు తీవ్రంగా ప్రయత్నాలు చేసిన విషయం తెల్సిందే! ఈ ఏడాది మొదట్లో దావూద్ ను అంతం చేసే అవకాశం భారత్ కు వచ్చినట్టు తొలుత వార్తలు వెలువడ్డాయి. కమెండోలు దావూద్‌ను టార్గెట్ చేసినపుడు, కొన్ని నిమిషాలకు ముందు భారత్ కు చెందిన ఓ వ్యక్తి ఫోన్ చేసి కాల్చొద్దని ఆదేశాలు జారీ చేసినట్టు ప్రచారం సాగిన విషయం విధితమే!